للعبرة للعبرة للعبرة.ديرو عقلكم العيالات

 

 اللي ماتيقاتش تدخل لليوم السابع فاليوتوب تشوف الفيديو....شوفو العناد فين كيوصل و حتى الاهمال و عدم تحمل المسؤولية عند شي والدين.. فمصر عاد وقعات راجل و مراتو تخاصمو هزات ولدها الكبير و مشات لدارهم غضبانة و خلات بيبي عندو اقل من  اربع شهور. الرجل رجع لقا البيبي بوحدو كيحساب ليه مراتو خرجات تقضي شي حاجة و ترجع جمع حوايجو و خرج سافر لخدمتو. هو كيحسابها اتسخر و ترجع ليه و هي كيحساب ليها  راه البيبي في امان الله مع باه مقابلو و حتى واحد فيهم مافكر يتاصل بالاخر يستفسر او يطمأن و النتيجة البيبي بقا بوحدو تسع ايام حتى مات من الغوات او من العطش او من الجوع. ملي رجع الزوج من الخدمة لقا الجثة د البيبي مسكين متعفنة و الصورة فيها ديك البقعة فالناموسية بلاصة البيبي فين كان. قالوها العناد كيورث الكفر

كتبقى الام هي الملامة بالدرجة الاولى واخا اتقولو لي مسؤوليتهم بجوج و لكن انا مانفرقش ولدي ابدا راه طرف من كبدتي هداك ولام بنسبة لولدها هي الامان ونبع الحنان كيفاش تهزي لكبير وتخلي صغير اش هاد العقلية